Hvernig veit ég hvenær minn bíll á að fara í skoðun?

Skoðunarmánuður ökutækis er ákvarðaður út frá síðasta tölustaf á númeraplötu ökutækisins. Einnig er límmiði á númeraplötunni sem gefur til kynna næsta skoðunarár.

Til dæmis, ef síðasti tölustafurinn er 5, ætti bíllinn að fara í skoðun í maí, þar sem það er fimmti mánuður ársins á því skoðunarári sem gefið er upp á númeraplötunni. Ef skráningarnúmerið endar á 0, ætti skoðunin að fara fram í október. Ef ökutæki er með einkanúmer sem endar á bókstaf, skal bíllinn skoðaður í maí, en ef einkanúmerið endar á tölustaf, þá ákvarðar sá tölustafur skoðunarmánuðinn. Fornökutæki, húsbifreiðar, ferðavagna og öll bifhjól hafa skoðunarmánuðinn maí á tilgreindu skoðunarári.