Að hverju þarf að huga við val á lífeyrissjóð?

Ef þú hefur val um lífeyrissjóð er gott  að skoða nokkur atriði áður en þú tekur ákvörðun. Byrjaðu á því að ákveða hvort þú viljir greiða í í samtryggingarsjóð eða blandaðan sjóð ****en sá síðaarnefndi býður upp á val um að setja hluta skylduiðgjalda í séreign. Ef þú hefur ekki val um lífeyrissjóð vegna atvinnu og greiðir þar af leiðandi í samtryggingarsjóð getur þú í sumum tilvikum nýtt tilgreinda séreign, til að auka sveigjanleika í framtíðinni.

Einnig er gott að skoða hvernig sjóðurinn hefur staðið sig í ávöxtun, hvernig eignum sjóðsins er háttað og skipt. Áhugavert að skoða hversu margir virkir sjóðsfélagar eru í sjóðnum og hversu margir eru að fá greitt úr sjóðnum og sjá hvernig þær greiðslur skiptast upp í ellilífeyri, örorkubætur, barnalífeyri og makalífeyri. Að lokum má líta á heildarstöðu/tryggingafræðilega stöðu lífeyrissjóðsins og fá mynd af því hvort sjóðurinn sé í stakk búinn til að standa við skuldbindingar framtíðarinnar.