Verðmat Aurbjargar er ekki rétt.

Verðmat Aurbjargar byggir á ýmsum þáttum. Áður en lengra er haldið verður að halda því til haga að um “mat” er að ræða. Verðmatið er þjónusta sem Aurbjörg þiggur frá CreditInfo og byggist á kaupsamningum á sama svæði yfir ákveðið tímabil, stærð fasteignarinnar þar sem fyrstu fermetrarnir eru dýrari en þeir síðustu (enda eru þeir eldhús og bað) og öðrum þáttum. Sú staða getur komið upp að kaupandi greiddi hærra verð fyrir fasteignina en verðmat Aurbjargar segir til um. Tvær ástæður geta verið fyrir því. Sú fyrri er að um sé að ræða fasteign sem er mun betur búin en aðrar íbúðir í sama hverfi. Sú seinni er að söluverð eignarinnar hafi verið hærra en gekk og gerðist í hverfinu þegar salan fór fram.