Gott að hafa í huga fyrir sparnað

Hafa þarf í huga að hér er um að ræða þann sparnað sem þú hyggst geta notfært þér til framfærslu við starfslok. Þá er sparnaður sem fer í ferðalög, bíla, barneignir eða annað undanskilinn. 

Fasteign 

Lífeyrisbestun getur gert ráð fyrir því ef þú vilt nýta þér eigið fé í fasteign til framfærslu, hvort sem um er að ræða eigin fasteign þar sem þú ætlar að minnka þig eða auka fasteign sem þú vilt selja. Settu þá í "Núverandi upphæð" þann sparnað sem þú telur að eigið fé þitt verði að raunvirði við starfslok eða núverandi eigið fé sem "Núverandi sparnað" og mánaðarlega eignamyndun sem "Sparnaður á mánuði". 

Hlutabréf

Sparnaður fyrir starfslok getur verið eign í hlutabréfum eða öðrum verðbréfum. Við mælum með því að stilla af hóflega raunávöxtun en til viðmiðunar reyna lífeyrissjóðirnir að halda um 3,5% raunávöxtun. Ef að þú ert með áskrift í sjóði eða kaupir fyrir ákveðna upphæð getur þú sett þá upphæð undir "Sparnaður á mánuði". 

Enginn langtímasparnaður eins og er

Það getur vel verið að þú hafir engann langtímasparnað sem hugsaður er til framfærslu við starfslok, sérstaklega ef þú ert yngri. Þá er ágætt að setja bara ekkert undir sparnað til þess að sjá hvernig staðan yrði án sparnaðar. Síðan seinna meir getur þú prófað aftur með sparnaði.