Hvernig koma Almannatryggingar(Tryggingastofnun ríkisins) inn í lífeyrismálin?

Almannatryggingar tryggja lágmarksframfærslu á eftirlaunaárunum ef lífeyrir úr lífeyrissjóðum duga ekki. Tryggingastofnun sér um að greiða út þessar bætur.

Þetta á við um alla sem hafa náð 67 ára aldri og hafa búið á Íslandi í að minnsta kosti 3 ár á aldrinum 16–67 ára. Full réttindi byggjast þó á 40 ára búsetu – ef búsetutíminn er styttri, lækka réttindin í hlutfalli við það. Ef þú byrjar að taka lífeyri áður en þú verður 67 ára, skerðast greiðslurnar.

Tryggingastofnun býður upp á ýmsar greiðslur og uppbætur. Auk hefðbundins ellilífeyris geta lífeyrisþegar átt rétt á heimilisuppbót ef þeir búa einir, viðbótarstuðningi fyrir þá sem hafa takmörkuð réttindi, bílauppbót ef rekstur bifreiðar er nauðsynlegur, auk orlofs- og desemberuppbótar.