Hvernig virkar skipting lífeyrisréttinda milli maka?

Hjón og sambúðarfólk geta gert með sér samkomulag um að skipta ellilífeyrisréttindum sínum jafnt en heimilt er að skipta allt að helmingi ellilífeyrisréttinda. Skipting lífeyrisréttinda milli hjóna/sambúðarfólks nær þó aðeins til þeirra réttinda sem hafa áunnist/munu ávinnast á meðan hjúskap eða sambúð varir.

Samkomulag um skiptingu ellilífeyrisréttinda þarf að gera fyrir 65 ára aldur og áður en lífeyristaka hefst. Skiptingin er óafturkræf og tekur ekki til örorku-, maka- eða barnalífeyris.