Hver er munurinn á Samtryggingasjóðum og blönduðum sjóðum?

Samtryggingasjóðir leggja öll iðgjöld í samtryggingu. Þar byggir þú upp réttindi, ekki inneign, og færð ævilangan lífeyri. Þeir veita líka vernd við veikindi, örorku og andlát. Samtryggingasjóðir eiga þó að bjóða upp á tilgreinda séreign.

Blandaðir sjóðir bjóða þér að skipta skylduiðgjaldinu, hluti fer í samtryggingu og hluti í séreign. Þannig færðu bæði öryggi og sveigjanleika: lífeyri til æviloka og inneign sem þú getur ráðstafað sjálfur.